काठमाडौं—‘जसको दाँत सबल, उसको जीवन सफल’ भन्ने नाराका साथ ओम समाज डेन्टलले निःशुल्क दन्त शिविर गर्ने क्रम जारी राखेको छ । यसैक्रममा १६ माघ सरस्वती पुजाको अवसर पारेर ओम समाज डेन्टल काठमाडौं सेकेण्डरी स्कुलमा एकदिने निःशुल्क दन्त शिविर सम्पन्न भएको छ ।
दन्त शिविर विहान १० बजेदेखि सुरु भएर दिउँसो तीन बजेसम्म संचालन गरिएको थियो । त्यसैगरी, १७ माघमा शुक्रबार रोटरी क्लबका सहकार्यमा महालक्ष्मी माध्यमिक विद्यालय नखिपोट ललितपुरमा पनि एक दिने निःशुल्क दन्त शिविर सम्पन्न भएको छ ।
१८ माघ शनिबार इन्द्र अन्नपूर्ण योग केन्द्रसँग सहकार्यमा श्री अरबिन्द योग मन्दिर चन्द्रागिरी नगरपालिका—६ मा एकदिने निःशुल्क दन्त शिविर सम्पन्न भएको छ ।
सबै शिविर विहान १० बजे सुरु भएर बेलुका ३ बजेसम्म संचालन भएका थिए । काठमाडौं सेकेण्डरी स्कुल, महालक्ष्मी माध्यमिक विधालय, श्री अरबिन्द योग मन्दिर चन्द्रागिरी नगर पालिका—६ मा गरिएको निःशुल्क शिविरबाट १ हजार १ सय ७५ जनाले आफ्नो दाँत मुखको स्वास्थ सम्बन्धि सेवा पाएका थिए ।
दन्त्य स्वास्थ शिविरमा सहभागी सबैलाई ओम समाज डेन्टल हस्पिटलको आजीवन सदस्यता कार्ड तथा ब्रस मन्जन पनि वितरण गरिएको थियो । साथै, सही तरिकाले दाँत माझ्ने भन्नेबारे पनि सिकाइएको थियो ।
