निन्द्रा नलाग्ने समस्या हटाउने योग

आधुनिक युगमा मानिसलाई समयमै सुत्न र उठ्न गाह्रो भएको छ । दिनभर काम गरेर थकित भए पनि राती निन्द्रा लाग्दैन र हरेक रात ढिलो सुत्ने धेरैजसो मानिसलाई आजभोलि यो समस्या छ । यो समस्या युवादेखि वृद्धवृद्धासम्म देखिएको छ । निन्द्रा तपाइको शरीरको लागि धेरै महत्त्वपूर्ण छ। यस्तो अवस्थामा राम्रोसँग निन्द्रा लागेन भने शरीर र दिमागमा नकारात्मक असर पर्छ । मानिसहरु सुत्नका लागि औषधी समेत खान्छन् ।

यस्ता औषधीले स्वास्थ्यमा नराम्रो असर गर्छ । तपाईको जीवनशैलीमा समय तालिकामा गडबडीका कारण निन्द्रामा समस्या आउन सक्छ। यदि तपाई पनि निन्द्राको समस्याबाट हैरान हुनुहुन्छ र दिनभरको काम गरेर पनि राती निन्द्रा लाग्दैन भने यी योग गर्नुहोस् । सुत्नुभन्दा १५ मिनेट पहिले योग गरेर निन्द्राको समस्याबाट छुटकारा पाउन सकिन्छ । यसले तपाईको दिमागको सुत्ने हर्मोन पनि बढाउँछ। यस्ता छन् राम्रो निन्द्राका लागि राति सुत्नुअघि गर्नु पर्ने योगासनहरु।

बालासन

यो आसनले मनलाई शान्त गराउँछ। यसका लागि म्याट  वज्रासन मुद्रामा बस्नुहोस्। श्वास लिँदा दुवै हातलाई सिधै टाउकोको माथि लिनुहोस्। अब श्वास छोड्दा अगाडि झुक्नुहोस्। यस अवधिमा हत्केला र टाउकोलाई भुइँमा आराम गर्नुहोस्। त्यसपछि श्वास लिने र बाहिर निस्कने क्रममा औँलाहरू जोडेर दुई हत्केलाको बीचमा टाउको बिस्तारै राख्नुहोस्।

शवासन

यस आसनले तपाईको स्नायु प्रणाली शान्त हुन्छ र सबै थकित मांसपेशी र काँधलाई आराम मिल्छ। शवासन गर्नको लागि आफ्नो ढाडको बलमा सुत्नुहोस् र दुबै खुट्टाको बीचमा एक फिटको दूरी फैलाउनुहोस्। अब शरीरलाई खुट्टाको औँलासम्म छाड्दा आरामसँग श्वास फेर्नुहोस् र पूरै शरीरलाई खुकुलो छोड्नुहोस्।

उत्तानासन

यो आसन नियमित गर्नाले चाँडै निन्द्रामा फरक देख्नुहुनेछ। उत्तानासन गर्न सबैभन्दा पहिले सीधा उभिनुहोस्। दुवै हातमा लामो श्वास लिँदा, माथितिर लादै श्वास छोड्नुहोस् र त्यसपछि हातहरू तल भुइँमा लानुहोस। यो समयमा औंलाहरू छुने प्रयास गर्नुहोस्।

शलभासन

यो आसन गर्नका लागि पेटको बलमा सुत्नुहोस् र दुवै हत्केलालाई तिघ्राको मुनि राख्नुहोस्। अब दुवै खुट्टाको पैताला जोडेर पन्जालाई सीधा राख्नुहोस्। खुट्टा विस्तारै उठाउने प्रयास गर्नुहोस्। गहिरो श्वास लिनुहोस् र केहि समयको लागि यो अवस्थामा रहनुहोस्।

-एजेन्सी