के तपाई नियमित मादक पदार्थ सेवन गर्नुहुन्छ ? कि कहिलेकाहिं विशेष अवसरमा मात्र पिउनुहुन्छ ? होस गर्नुहोस् यदि तपाई कहिलेकाहिं पिउनुहुन्छ र धेरै पिउनुहुन्छ भने तपाईंलाई अन्य पियक्कडको भन्दा स्वास्थ्यमा बढी असर गर्छ । युरोपेली हृदयरोग चिकित्सक समाजद्वारा प्रकाशित ‘इपी युरोपेस’ ले उक्त जानकारी दिएको हो ।
अध्ययनका अनुसन्धानकर्ता तथा कोरियाली विश्वविद्यालयका डा जोङ द्वितीय चोइले मादक पदार्थको सेवनको मात्रा र नियमिततालाई केन्द्रित गरेर उक्त अध्ययन गरिएको जानकारी दिए । मादक पदार्थ थोरै तर नियमित सेवन गर्नेभन्दा कहिलेकाहि तर एकै चोटी धेरै सेवन गर्नेलाई बढी असर गर्ने गरेको पाइएको अध्ययनले देखाएको उनले बताए ।
अनियमित सेवनले मुटुमा धेरै असर गरेर मुटुसम्वन्धी समस्याहरू बढी समस्या देखिएको उनको भनाइ रहेको छ । उनकाअनुसार अनियमितताको कारण ब्यक्तिमा मुटुको धड्कन बढ्ने, नाडीको रफ्तारलाई बढाउने, स्याँ–स्याँ हुने, धेरै थकाइ लाग्ने, छाती दुख्ने र चक्कर लाग्नेजस्ता समस्या देखिन्छन् ।
यस सर्वेक्षणको निमित्त ९७ लाख ७६ हजार ९ सय ५६ ब्यक्तिलाई परीक्षणको निम्ति सहभागी गराएका थिए । सन् २००९ देखि सुरु भएको यस सर्वेक्षण ८ वर्षसम्म चलेको थियो । मानिसलाई क्षति गर्नमा मादक पदार्थको कुल मात्रा वा मादक पदार्थ सेवनको कुल संख्यामध्ये कुन कुराले मुख्य भूमिका खेल्छ भन्ने दावी गर्न भने नसकिने अध्ययनको विश्लेषण रहेको छ ।
– एजेन्सीको सहयोगमा
