विराटनगर—विराटनगर–५ जामुनगाछी एक बालिकाको उपचार गर्न नसक्दा लामो समयदेखि ओछ्यानमा थलिएर बस्नु परेको छ । दास परिवारले भएको पैसा ८ वर्षीया वालिका अक्षरा कुमारी दासको उपचारमा खर्चिएर सकेपछि थप उपचार गर्न नसकेका हुन् ।
आर्थिक अवस्था नाजुक रहेको दास परिवारले थप उपचार गर्न नसकेपछि अक्षरालाई अहिले घरमा राखेका छन् । कक्षा १ मा अध्ययनरत अक्षराको मिर्गौलाले काम गर्न छोडेको चिकित्सकले जनाएको छ । अक्षराको उपचार दास परिवारले १५ लाख रुपैयाँ सक्दा पनि ठिक नभएको हजुरवुवा शम्भु दासले बताए । ‘६ वर्षको उमेरमा नातिनीको पिसाब पोल्ने र छिन–छिनमा पिसाब आउने समस्या थियो,’ हजुरबुवा शम्भुले भने, ‘नातिनीको उपचार गराउन देशभरीको हस्पिटल लगेपनि रोग ठीक हुन सकेको छैन । उपचारमा भएभरको पैसा पनि सकियो । थप उपचार गरिने अहिले पैसा छैन ।’
दुई पटक नातिनीको डाइलाइसिस गरिएको उनले बताए । ‘एक पटक डाइलाइसिस गर्दा ८० देखि ९० हजार रुपैयाँ खर्च भयो,’ उनले भने, ‘चिकित्सकले अहिले पनि डाइलाइसिस गर्नुपर्ने सुझाव दिएका छन् । थप उपचार गर्न आफूसँग पैसा पनि छैन ।’ भएभरको पैसा नातिनीको उपचारमा सकिएको उनले सुनाए । पैसा नभएपछि केही दिन अगाडि मात्र विपी कोइराला विज्ञान प्रष्तिठान हस्पिटल धरानबाट नातिनीलाई घर ल्याएको उनले बताए । उनले भने, ‘थप उपचार गर्न भारतको बैंङ्लोर लैजाने तयारी गरेको छु । त्यहाँ पु¥याउँदा उपचार पनि राम्रो हुने र ठिक हुने सुनेको छु ।’ आफूसँग थप उपचार गर्ने पैसा नभएकाले सहयोगका लागि उनले अपिल गरेका छन् ।
अक्षराका बावु दयनन्द दास राजमिस्त्रीको काम गर्दछन् । उनका १ छोरा र छोरी छन् । अक्षराको अहिले शरीरको विभिन्न भाग सुनिन थालेको छ । अनुहार सबैभन्दा बढी सुनिएको छ । ‘अक्षरा राम्रोसँग हिडढुल पनि गर्न सक्दिन,’ हजुरआमा विनादेवीले भनिन्, ‘नातिनीको रेखदेशमा आफै खटिने गरेको छु । दुखाइले होला रातदिन नातिनी छटपटिने गर्दछिन् । राम्रोसँग सुत्न सक्दिनन्, रुने मात्र गर्दछिन् ।’
नातिनीको रोगको पिडाले आफूलाई चिन्ताले सताएको उनले बताइन् । ‘हामीसँग भएको पैसाले नातिनीको उपचार ग¥यौं । अहिले थप उपचार गर्ने पैसा छ्रैन्,’ नातिनी बाँचेको हेर्ने इच्छा छ,’ उनले भनिन्, ‘कोही मनकारीहरूले सहयोग गरिदिए नातिनीको रोग ठिक हुने आशा पलाएको छ ।’ अक्षरालाई सहयोग गर्नका लागि उनका हजुरवुवाशम्भु ९८०७०९१५१४ मा सम्पर्क गर्न सकिन्छ ।