शरीरको सबैभन्दामाथि भागमा रहने टाउको शरीरको अभिन्न अंगमध्ये एक हो । यो विभिन्न स्नायु तथा नशाहरुबाट बनेको हुन्छ । हाम्रो शरीरको प्रत्येक भागहरुको एक आपससँग जोडिएर बन्ने क्रममा यो पनि नशा तथा विभिन्न भागहरुसँग जोडिएका हुन्छन् ।
अझ भन्ने हो भने शरीरको प्रत्येक भागको स्नायु हाम्रो टाउकोमा रहेको हुन्छ । त्यसैले शरीरको कुनै भागमा केही आघात पुगेको खण्डमा हामीलाई टाउको दुख्ने हुन्छ । विशेष गरेर टेन्सन हुँदा, निन्द्रा नपुग्दा तथा आँखा, कान र टाउकोमा रहने अंगहरु चोटपटक लाग्दा हामीलाई टाउको दुख्ने हुन्छ ।
टाउकोमा एक पटक चोट लागेपछि त्यसले लगातार लामो समयसम्म पीडा दिइरहने कुरा त छदैछ, यसबाहेक पनि यो शरीरको महत्वपूर्ण पाटो भएकोले हामीले यसको उचित ख्याल रख्नुपर्दछ ।
तर, कहिलेकाहीं हामीले उचित हेरचाह गर्दागर्दै पनि टाउको दुख्ने हुन्छ । हामीले कतिपय अवस्थामा घरेलु विभिन्न उपचार तथा उपायबाट नै टाउको दुखाइको समस्याबाट राहत पाउन सक्छौं । आज हामी ब्यक्तिमा हाइपर टेन्सन, माइग्रेन र हार्माेनको गडबढीका कारण यी मुख्य ३ कारणले हुने टाउकोको दुखाइबाट कसरी राहत पाउने भन्ने विषयबारे जानकारी दिदैछौं । त्यसबेला भने हामीले ध्यान दिनुपर्ने मुख्य उपायहरु निम्न रहेका छन् ।
- टाउकोलार्ई कहि अड्याइराख्ने
- दुखेका भाग वरपर र निधार ता आँखामा हातले विस्तारै मसाज गर्ने
- आँखा चिम्म गरेर आराम लिने
- धेरै उज्यालो र प्रकाश भएको ठाउँमा नबस्ने
- आफ्नो खानामा विशेष ध्यान दिने
- निधारमा पानी पट्टी लगाउने
- सुत्ने समय तालिका बनाउने
- दैनिक ८ घण्टा निदाउने
- चिया कफिको मात्रा कम गर्ने
- चिन्ता लिन छोड्दिने
- घाँटीलाई न्यानो बनाइ राख्ने
१४ दिनसम्मको माइग्रेनको अवस्थालाई मेडिकल क्षेत्रमा सामान्य माइग्रेनको रुपमा लिइन्छ । त्यस समय अवधिमा माथि दिइएका उपायहरु अपनाउन सकिन्छ । तर, १५ दिनभन्दा धेरै लगातार दुखाइको मात्रा रहिरहेको खण्डमा भने बिरामीले चिकित्सकको सल्लाह लिनुपर्दछ ।
