विश्व क्यान्सर दिवसमा नेपाल क्यान्सर अस्पतालले क्यान्सर स्क्रिनिङमा २० प्रतिशत छुट दिने

ललितपुर– नेपाल क्यान्सर अस्पताल तथा अनुसन्धान केन्द्र लिमिटेडले क्यान्सर स्क्रिनिङ प्याकेजमा २० प्रतिशत छुट दिने भएको छ । अस्पतालले विश्व क्यान्सर दिवस २०२५ को अवसरमा क्यान्सरको स्क्रिनिङ प्याकेजमा २० प्रतिशत छुट दिने भएको हो ।

यसले सर्वसाधारणलाई क्यान्सरको समयमै पहिचान गर्न मद्दत पु¥याउने विश्वास अस्पतालको छ । यो छुट ४ फेब्रुअरी २०२५ अर्थात विश्व क्यान्सर दिवसका दिन मात्र लागु हुने अस्पतालले जनाएको छ ।

अस्पतालले क्यान्सरजस्तो गम्भीर रोगको प्रारम्भिक पहिचान र रोकथामलाई प्रवर्द्धन गर्न यो छुट कार्यक्रम ल्याएको जनाएको छ । यो अवसरको उपयोग गर्दै अस्पतालले आम नागरिकलाई नियमित स्वास्थ्य परीक्षणतर्फ प्रेरित गर्न चाहेको बताएको छ ।

क्यान्सरको प्रारम्भिक पहिचान नै यस रोगविरुद्धको सबैभन्दा प्रभावकारी उपाय हो।नेपाल क्यान्सर अस्पताल क्यान्सर सम्बन्धि आधुनिक उपचार, अनुसन्धान, तथा जनचेतना अभिवृद्धिमा काम गर्दै आएको छ ।