काठमाडौं–स्वास्थ्य तथा जनसंख्यामन्त्री प्रदीप पौडेलले कार्यभार सम्हालेको १०० दिनका कामको फेरिहस्ते सार्वजनिक गरेका छन् । बिहीबार मन्त्रालयमा १६ बुँदे प्रगति विवरण सार्वजनिक गर्दै मन्त्री पौडेले समायोजनको अलमल हटाउनेदेखि उपकरणको अभिलेखीकरणसम्मका कुराहरु प्रगतिका रुपमा उल्लेख गरेका छन् ।
मन्त्री पौडेलले पहिलो पटक विषयगत समितिको बैठक राखेको, समायोजनमा रहेको अलमल हटाएको पहिलो प्रगतिका बुँदामा उल्लेख गरेका छन् । यसैगरी, जनस्वास्थ्य समितिको क्रियाशीलता, स्वास्थ्य जनशक्ति उत्पादन तथा सीप र दक्षताको उपयोगको प्रयास दोस्रो प्रगतिका रुपमा उल्लेख गरिएको छ ।
मन्त्री पौडेलको प्रगति विवरणमा आगामी पुस्ता निरोगी पुस्ताको लक्ष्यमा विभिन्न कामहरु गरिएको उल्लेख छ । यसैगरी, उपचारात्मक सेवा विस्तार र विकासमा विभिन्न कामहरु भएको देखाइएको छ ।
चिकित्सा शिक्षाको खुडकिलोका रुपमा राप्ती स्वास्थ्य विज्ञान प्रतिष्ठान, पोखरा स्वास्थ्य विज्ञान प्रतिष्ठानमा एमबीबीएस अध्यापन सुरु गरिएको, चिकित्सा विज्ञान राष्ट्रिय प्रतिष्ठान (न्याम्स)मा चिकित्सा विज्ञान, नर्सिङ र एलाइड साइन्सतर्फ ४०० सिटको पिजी फ्याकल्टी थपिएको, शहीद धर्मभक्त राष्ट्रिय प्रत्यारोपण केन्द्र रेलन ट्रान्सप्लान्ट मेडिसिन र सर्जरीमा फेलोसीप कार्यक्रम सुरु गरिएको उल्लेख छ ।
मन्त्री पौडेलले १६ बुँदे प्रगति विरणमा अन्य विविध कामहरुका विषयमा पनि उल्लेख गरेका छन् ।
मन्त्रीको पौडेलको १६ बुँदे प्रगति विवरण
