स्वास्थ्य सेवाका क्षेत्रमा नेपाललाई सहयोग गरिरहेका अमेरिकी अर्बपति जिम साइमन्सको निधन भएको छ । शुक्रबार सिमोन्स फाउण्डेसनले ‘क्वान्टम किङ’का नामले प्रख्यात जिमको ८६ वर्षको उमेरमा न्यूयोर्कमा निधन भएको जानकारी दिएको अन्तर्राष्ट्रिय संचार माध्यमले जनाएका छन् ।
तर, उनको निधनको कारण भने फाउण्डेसनले खुलाएको छैन ।
जिमको सिमोन्स फाउण्डेसनले नेपालमा स्वास्थ्य सेवाका क्षेत्रमा सहयोग गरिरहेको छ । सन् २००३ मा इन्डोनेसियामा उनका छोरा निक साइमन्सको पौडी खेल्ने क्रममा डुबेर निधन भएको थियो ।
त्यसको एक वर्षअघि नेपाल आएका निकले नेपाललाई सहयोग गर्ने चाहना व्यक्त गरेका थिए । सोही चाहनाअनुसार निक साइमन्स इन्स्टिच्युटले नेपालको ग्रामीण स्वास्थ्यका क्षेत्रमा काम गर्दै आएको छ । उसले स्वास्थ्यकर्मीको तालिम, अध्ययनलगायतका क्षेत्रमा सहयोग पु¥याउँदैं आएको छ ।
रेनेसान्स टेक्नोलोजीका संस्थापक जिम हेज कोषका प्रबन्धक, गणितज्ञ र परोपकारी व्यक्ति थिए ।
