चरिकोट—दोलखाको गौरीशंकर गाउँपालिकाको आयोजनामा निशुल्क महिला तथा बाल स्वास्थ्य शिविर सञ्चालन भएको छ । शुक्रबारबाट गाउँपालिकाको वडा नं. २ जुँगुस्थित नीलकण्ठेश्वर माध्यमिक विद्यालयमासुरु भएको उक्त शिविर गौरीशंकर गाउँपालिका अध्यक्ष विश्वास कार्कीले उद्घाटन गरेका थिए ।
गौरीशंकर गाउँपालिकाको आयोजना र जनउपकार बचत तथा ऋण सहकारी संस्था लिको सहकार्य तथा क्याम्पटिभेटिङ नेपालको प्राविधिक सहयोगमा सञ्चालन गरिएको शिविरमा शुक्रबार ४ सय महिला तथा ३ सय बालबालिकाले स्वस्थ्य परीक्षण गराएका छन् ।
गौरीशंकर गाउँपालिका १ का वडाअध्यक्ष प्रकाश खड्काको अध्यक्षतामा भएको कार्यक्रममा गौरीशंकर गाउँपालिका अध्यक्ष विश्वास कार्की, सोही पालिका वडा नं. २ का वडाअध्यक्ष रोहित बुढाथोकी, क्याम्पटिभेटिङ नेपालका प्रतिनिधि विकास खड्का लगायतले मन्त्वय राखेका थिए ।
हालसम्म पालिकाले आयोजना गरेको स्वास्थ्य शिविरमा ४ चार हजार ५ सय जना लाभान्वित भएको गौरीशंकर गाउँपालिकाका स्वास्थ्य शाखा प्रमुख वसन्त रेग्मीले बताए ।
पालिकाले यसअघिदेखिनै विभिन्न वडा तथा समुदायमा स्वास्थ्य शिविर आयोजना गर्दै आएको छ । जनताले सहज तरिकाले गाउँमानै स्वास्थ्य सेवा प्राप्त गर्न सकोस भनि पालिकाले विभिन्न निकायको सहकार्यमा शिविर आयोजना गरिएको स्वास्थ्य शाखा प्रमुख रेग्मीले बताए ।
