प्याथोलोजीक फ्याक्चर भनेको लड्दा वा कतै ठोक्किदा घाउ, चोट लाग्नुको सट्टा हड्डी भाँचिनु हो । समय बित्दै जाँदा वृद्धावस्था लागेपछि मानिसहरुमा पहिलाको जस्तो उर्जा हुँदैन् ।
विभिन्न रोगहरुले सताउने गर्छ । धेरै रोगहरु हड्डीमा पनि लाग्न सक्छ, यसले प्याथोलोजीक फ्याक्चर हुन्छ । हड्डी कमजोर भएर र क्याल्सियम र भिटामिनको कमीले हुने गर्छ ।
प्याथोलोजीक फ्याक्चरका लक्षण
- धेरै दुःखाइ ।
- हिड्न नसक्नु ।
- भाँच्चिएको ठाउँमा सुनिनु ।
- बाहिरी रुपमा चोट पटक नदेखिएपनि चोट लागेको भित्री भागमा रगत बग्न सक्छ ।
प्याथोलोजीक फ्याक्चरका कारण
- पातलो हड्डी
- वृद्धावस्था
- कमजोर हड्डी
- क्याल्सियम र भिटामिनको कमी
हड्डीको प्याथोलोजीक फ्याक्चबाट बच्न के गर्ने
- खानामा पर्याप्त मात्रामा क्याल्सियम, फसफोरस र भिटामिनयुक्त खाना खानुपर्छ ।
- नियमित योगाभ्यास गर्ने ।
- बसिरहने जीवनशैली परिवर्तन गर्ने, धेरै आराम नगर्ने ।
- सिमित मात्रामा काम गर्ने र धेरै हिड्ने ।
हड्डीको प्याथोलोजीक फ्याक्चरको उपचार कसरी गरिन्छ ?
प्याथोलोजीक फ्याक्चरको उपचार दुई किसिमले गर्न सकिन्छ । यसलाई सामान्य प्लास्टर र सर्जरीबाट गर्न सकिन्छ ।
सामान्य फ्याक्चर भएको छ भने यसलाई प्लास्टर गरिन्छ ।
हड्डीको अवस्था हेरेर यसलाई अपरेसन गर्नुपर्ने छ भने अपरेसन गरिन्छ । हड्डीको उपचार गर्दै गर्दा हड्डी किन कमजोर भयो पत्ता लगाइन्छ ।
भिटामिन डी र क्याल्सियम नपुगेर कमजोर भएको हड्डी छ भने थप भिटामिन डी र क्याल्सियम दिइन्छ । अरु रोगले भएको छ भने रोग पत्ता लगाएर त्यसको उपचार गरिन्छ ।
-प्रस्तुति : सृजना खड्का
