धनगढी—बझाङमा भएको गाडी दुर्घटनामा परेर गम्भीर भाइते भएका सदूरपश्चिमका आन्तरिक मामिला तथा कानुनमन्त्री पृथ्वीबहादुर सिंहको उपचारका क्रममा निधन भएको छ । मंगलबार उनी सवार सुदूरपश्चिम प्रदेश ०१—००१ झ ४८० नम्बरको जीप बझाङको केदारस्युँमा दुर्घटना भएको थियो ।
दुर्घटनामा गम्भीर घाइते भएका सिंहलाई थप उपचारका लागि कोहलपुरस्थित नेपालगन्ज मेडिकल कलेज ल्याइएको थियो । तर, उपचारका क्रममा उनको निधन भएको हो । नेपालगन्ज मेडिकल कलेजका निमित्त निर्देशक डा. ढुण्डीराज पौडेलले मन्त्री सिंहको ५ बजेर ३३ मिनेटमा मृत्यु भएको जानकारी दिए ।
सिंहसँगै यो दुर्घटनामा ज्यान गुमाउनेको संख्या तीन जना पुगेको छ । सिंहकै परिवारका दुई सदस्य श्रीमती अमृतादेवी सिंह र भाउजु जयादेवी सिंह बझाङको देउरा स्वास्थ्य चौकीमा उपचारका क्रममा मृत्यु भएको थियो ।
मन्त्री सिंहसँगै थप उपचारका लागि नेपालगञ्ज ल्याएका चालक धर्मराज जोशी र सुरक्षागार्ड दीपक भण्डारीको भने उपचार जारी रहेको थियो ।
मन्त्री सिंह चढेको गाडी धनगढीबाट बझाङ जाने क्रममा दुर्घटना भएको थियो । उनी गत चुनाव बझाङ प्रदेशसभा निर्वाचन क्षेत्र नम्बर १ बाट कांग्रेसबाट निर्वाचित भएका थिए ।
निमित्त
