काठमाडौं—कान्तिपुर भेट डिष्टिब्युटर्स प्रा.लि.ले स्थानीय तहका प्रमुखहरुलाई पत्र लेख्दैं लम्पी स्कीन डिजिज (एलएसडी) विरुद्धको भ्याक्सिन आफूहरुसँग रहेको जनाएको छ । देशका विभिन्न ठाउँमा लम्पी स्कीनका कारण किसानहरुले किसानहरुले गाई, भैसी मरेर लाखौं क्षति ब्यवहोरिरहेका बेला कान्तिपुरले लम्पी स्कीन विरुद्धको भ्याक्सिन रहेको जानकारी स्थानीय तहहरुलाई गराएको हो ।
उसले आफूले दुई दशकदेखि पशुपंक्षीमा लाग्ने गुणस्तरीय भ्याक्सिन तथा पशु औषधिहरु उपलब्ध गराउँदैं आएको बताउँदैं अहिले मुलुकभर फैलिइरहेको लम्पी स्कीन विरुद्धको भ्याक्सिन आफूहरुसँग रहेको जानकारी गराएको हो ।
लम्पी स्कीन भाइरल रोग भएकाले भ्याक्सिन लगाउनेबाहेक यसको अर्को उपचार छैन । ‘ज्वरोका लागि पारासिटामोल र घाउ पाकेको अवस्थामा एन्टिबायोटिक्सको सुई लगाउने गरिएको छ । लम्पी गाई, भैंसीको सरुवा रोग हो तर मान्छेमा सर्दैन । रोग नलागेको क्षेत्रमा भ्याक्सिन लगाउन सकिन्छ,’ कान्तिपुर भेटले भनेको छ, ‘लम्पी रोग लागिसकेपछि खासै उपचार नभएको र रोकथामका लागि भ्याक्सिन नै एकमात्र उपाय रहेको सन्दर्भमा हाम्रो कम्पनीले आयात गरेको स्ट्रेनको भ्याक्सिन यहाँका गाई, भैंसीलाई रोग गराउने भाइरसविरुद्ध प्रभावकारी रहेको छ ।’
छिमेकी मुलुक भारतले पनि यही स्ट्रेनको भ्याक्सिन लगाउँदा रोग नियन्त्रणमा आएको कान्तिपुरले जनाएको छ ।
कान्तिपुरले स्थानीय तहका मातहतका कृषि तथा पशुपंक्षी शाखाका कर्मचारीलाई भ्याक्सिनका बारेमा जानकारी दिएर क्षति रोकथामका लागि सहयोग पु¥याउन समेत आग्रह गरेको छ ।
संघीय पशु सेवा विभागका अनुसार भाइरसले गराउने लम्पी स्किन डिजिजबाट हालसम्म ४ लाखभन्दा बढी गाई, भैंसी संक्रमित भइसकेका छन् । १० हजारको हाराहारीमा गार्इ भैंसी मरेका कारण किसानहरुले ठूलो क्षति व्यहोर्नु परेको छ ।
