धनगढी—धनगढी उपमहानगरपालिकाले अपाङ्गता भएका व्यक्तिहरुलाई लक्षित गरेर नाप जाँच शिविरको आयोजना गरी आवश्यक पर्ने व्यक्तिलाई सहायता सामाग्री वितरण गरेको छ । उपमहानगरका १९ वटै वडामा बसोवास गर्ने अपाङ्गता भएका व्यक्तिहरूको पहुँच पुग्ने धनगढीका ४ स्थानमा नाप जाँच शिविर आयोजना गरिएको थियो ।
वि.सं. ०७९ माघ ३ देखि संचालन भएको शिविरमा अपांगता सहायता सामग्रीका लागि २४८ व्यक्तिहरूको नाप जाँच गरिएको थियो । शिविरकै समयमा ९१ जना अपाङ्गता भएका व्यक्तिलाई सहयोग सामाग्री प्रदान गरिएको थियो ।
सहायता सामग्री तयार गर्न समय लाग्ने भएकाले बाँकी रहेका व्यक्तिहरुका लागि अपाङ्गता क्षेत्रमा लामो समयदेखि काम गर्दै आइरहेको एनएनएसडब्लूएचको प्रावधिक सहयोगमा सहायता सामग्री बुधबार धनगढीका १५, १६ र १७ नम्बरका मा ३२ जनालाई प्रदान गरिएको छ ।
जसमा २०७९ माघ ५ गते नाप जाँच भएका ५६ जना मध्ये सोही दिन अपाङ्गता २४ जनालाई सोही दिन सहायता समाग्री बितरण गरिएको थियो । धनगढी उप महानगरपालिकाका १९ वटै वडाका अपाङ्गता भएका व्यक्तिहरूलाई सहायता सामाग्री वितरणका लागि करिब ३८ लाख रहेको उप महानगरले जनाएको छ ।बुधबार १५, १६ र १७ नम्बर वडामा व्हीलचेयर १६ थान, ट्राइसाइकल ४, कृत्रिम खुट्टा २, कृत्रिम हात १, ट्वाइलेट चेयर १, रोटेलर १, स्पाइनल बेल्ट ४, वाकर स्टिक २, घुँडा सपोर्ट १ जोर वितरण गरिएको हो ।
