सामान्यभन्दा धेरै टाउको दुख्नु माइग्रेनको समस्या हुन सक्छ । माइग्रेन एक न्युरोलोजिकल विकार हो, जसले प्रायः कडा टाउको दुखाइ निम्त्याउँछ । टाउको दुखाइसँगै कहिलेकाहीँ वाकवाकी, वान्ताजस्ता समस्या पनि देखिन्छन् ।
माइग्रेन टाउको दुखाइ प्रायः सुस्त दुखाइको रूपमा सुरु हुन्छ र बढ्दै जान्छ । यो सामान्यतयाः शारीरिक गतिविधिको समयमा खराब हुन्छ । दुखाइ टाउकोको एक छेउबाट अर्कोतिर जान सक्छ । टाउकोको अगाडि हुन सक्छ वा यसले सम्पूर्ण टाउकोलाई असर गरिरहेको जस्तो महसुस हुन सक्छ ।
माइग्रेन रोकथाम
योग
तनाव व्यवस्थापन गर्नुहोस् । ध्यान, योगजस्ता आराम प्रविधिहरूले माइग्रेनलाई रोक्नमा मद्दत गर्न सक्छन् । साथै दिमागलाई शान्त बनाइ राख्दछन् ।
नियमित खानाको समय मिलाउनुहोस्
नियमित तालिकामा खानुहोस् । धेरै तरल पदार्थ पिउनुहोस् । प्रशस्त आराम लिनुहोस् । खानाको समय फेरबदल नगर्नुहोस् । यो स्वास्थ्यका लागि राम्रो नहुन पनि सक्छ ।
चिकित्सकीय सल्लाह
यदि आफ्नो महिनावारीको वरिपरि माइग्रेन हुन्छ वा जीवनशैली परिवर्तनले मद्दत गर्दैन भने निवारक औषधिहरूको बारेमा डाक्टरलाई सोध्नुहोस् । डाक्टरको सल्लाहलाई मान्नुहोस् ।
नयाँ उपकरणको प्रयोग
केही नयाँ उपकरणहरूले पनि माइग्रेन रोक्न सक्छ । एक हेडब्यान्ड–जस्तो ग्याजेट हा, जसले तपाईंको निधारको छालामार्फत विद्युतीय पल्स पठाउँछ । यसले तपाईंको ट्राइजेमिनल नर्भलाई असर गर्छ । जुन माइग्रेन टाउको दुखाइसँग जोडिएको छ ।
—एजेन्सीको सहयोगमा
