रहेनन् कार्डियो थोरासिक सर्जन डा. कृष्ण गोपाल

काठमाडौं—वरिष्ठ कार्डियोथोरासिक एण्ड भास्कुलर सर्जन डा. कृष्ण गोपाल श्रेष्ठको निधन भएको छ । २८ बैशाखमा डा. श्रेष्ठको निधन भएको नेपाल चिकित्सक संघ (एनएमए)का महासचिव डा. सन्जिव तिवारीले जानकारी दिए ।

डा. श्रेष्ठ संघका आजीवन सदस्यसमेत हुन् । नेपाल चिकित्सक संघले उनको निधनबाट संघलाई अपुरणीय क्षति पुगेको बताएको छ ।

‘स्व. डा. श्रेष्ठले नेपालको चिकित्सा शिक्षा र स्वास्थ्य सेवामा पु¥याउनु भएको अतुलनीय योगदान सबैको मानसपटलमा सदा सर्वदा स्मरणयोग्य रहनेछ,’ एनएमएले भनेको छ, ‘इमान्दार, लगनशील र प्रतिष्ठित कार्डियोथोरासिक तथा भास्कुलर सर्जनलाई गुमाउन पुगेकोमा नेपाल चिकित्सक संघ परिवार अत्यन्तै मर्माहित भएको छ ।’