काठमाडौं—थापाथलीस्थित नर्भिक अन्तर्राष्ट्रिय अस्पतालले आफ्नो ३० औं वार्षिकोत्सवको अवसर पारेर विभिनन सेवामा दिने छुटहरु सार्वजनिक गरेको छ । बिहीबार अस्पतालले गरेको पत्रकार सम्मेलनमा उक्त कुराको जानकारी दिइएको हो ।
नर्भिकको व्यवस्थापनले ३० औं वार्षिकोत्सवको अवसरमा अस्पतालका सबै स्वास्थ्य प्याकेजमा वैशाख १ गतेदेखि वैशाख ८ गतेसम्म एक साताका लागि ३० प्रतिशत छुट दिने जनाएको छ । यसैगरी, लेजर र हाइड्रा फेसियलमा ३० दिनका लागि ३० प्रतिशत छुट, आईभिएफ (फर्टिलिटी प्याकेज ३० दिनका लागि ३० प्रतिशत छुटको घोषणा अस्पतालले गरेको छ ।
यसैगरी, स्यामोग्राफीमा ३० दिनका लागि ३० प्रतिशत छुट, पत्रकार परिवारका लागि विशेष हेल्थ प्याकेज निकट भविष्यमै ल्याइने पनि पत्रकार सम्मेलनका जानकारी दिइएको थियो । अस्पतालले वैशाख महिनामा ४ वटा स्वास्थ्य शिविर आयोजना गरिने पनि जनाएको छ ।
बिएलसी होल्डिङ्सको छाताअन्तर्गत नेपालमा विश्वस्तरीय चिकित्सा सेवा प्रदान गर्न सन् १८८३ मा बसन्त चौधरी अस्पतालको स्थापना गरेका थिए । अहिले नर्भिक देशकै एक उत्कृष्ट क्रिटिकल केयर अस्पतालको रुपमा स्थापित भएको छ ।
