जुम्ला—राष्ट्रिय स्वतन्त्र पार्टीका सभापति रवि लामिछानेलाई न्यान दिनुपर्ने भन्दैं जुम्लास्थित कर्णाली स्वास्थ्य विज्ञान प्रतिष्ठानका एक कर्मचारीले आत्मदाहको प्रयास गरेका छन् ।
बिहीबार प्रतिष्ठानमा ड्राइभरका रुपमा कार्यरत ४० वर्षीय गोकर्ण कार्कीले जिल्ला प्रशासन कार्यलय अगाडि आफ्नै शरीरमा आगो लगाउने प्रयास गरेका हुन् । के गर्ने लागेको भनेर प्रहरीले प्रश्न गर्दा उनले भने, ‘रविलाई न्याय दे ।’ उनले यो देशमा आफूलाई बाँच्नै मन नलागेको प्रतिक्रिया प्रहरीलाई दिएका छन् ।
प्रष्ठिानका प्रवक्ता डा. रमेश भट्टराईले कार्कीलाई शरीरमा पेट्रोल छर्केको अवस्थामा जिल्ला प्रशासन कार्यलय अगाडिबाट उद्धार गरिएको बताए ।
‘प्रयास गरेको हो भन्ने छ । शरीरबाट पेट्रोलको दुर्गन्ध आइरहेको छ,’ उनले भने, ‘शरीरमा कुनै चोटपटक छैन । अप्रिय घटना हुन पाएन् ।’
अहिले कार्कीको प्रतिष्ठान अस्पतालको इमर्जेन्सीमा स्वास्थ्य परीक्षण भइरहेको छ । उनी १४ वर्षदेखि सरकारी कर्मचारीका रुपमा कार्यरत छन् ।
