काठमाडौं—नेपालमा थप ४ सय ८७ जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा ४ सय ८७ जनामा कोभिड संक्रमण पोजेटिभ देखिएको हो ।
यससँगै हालसम्म नेपालमा ११ लाख ४६ हजार ६१ कोभिड-१९ संक्रमण पुष्टि भएका छन् । ‘कोभिड-१९ को जोखिम कायम नै रहेको छ ।
‘आईसीयु र भेन्टिलेटरमा भर्ना हुनेको संख्या र मृत्यु हुने क्रम रोकिएको छैन्,’ स्वास्थ्य तथा जनसंख्या मन्त्रालयका प्रवक्ता डा. सन्जय ठाकुरले भने, ‘थप सर्तक र सुरक्षित रहनुपर्ने भएको छ । जनस्वास्थ्य मापदण्ड पालना गरौं ।’
पछिल्लो २४ घण्टामा १ सय ६४ जना कोभिड-१९ संक्रमणमुक्त भएका छन् ।
मन्त्रालयकाअनुसार पछिल्लो २४ घण्टामा १ जनाको कोभिड-१९ संक्रमणबाट मृत्यु भएको छ । यससँगै अहिलेसम्म कोभिड-१९ संक्रमणबाट मृत्यु हुनेको संख्या ११ हजार ९ सय ९५ पुगेको छ ।
बुधबारसम्म नेपालमा ४ हजार २ सय ९८ सक्रिय संक्रमित रहेका छन् ।
