काठमाडौं—स्वास्थ्य तथा जनसंख्या मन्त्रालयले ५० शैय्याको अस्पतालका लागि आवश्यक दरबन्दी प्रस्ताव गर्दै सुझावहरु संकलन गरिरहेको छ । मन्त्रालयले ५० शैय्याको अस्पतालका लागि १४५ जना जनशक्तिको दरबन्दी प्रस्ताव गरेको छ ।
उक्त दरबन्दी प्रस्तावमाथि सुझाव पठाउँदै सरकारी चिकित्सकहरुको संगठन सरकारी चिकित्सक संघ नेपाल (गोदान)ले १६६ जनाको दरबन्दीसहितको सुझाव प्रस्ताव मन्त्रालयलाई पठाएको छ । मन्त्रालयका सचिवलाई सम्बोधन गर्दै पठाइएको सुझावमा अस्पताल प्रमुख हुनका लागि विषय विशेषभन्दा पनि चिकित्सकको नेतृत्व क्षमतालाई ध्यान दिनुपर्ने सुझाव दिइएको छ ।
यस्तै, संघले अस्पतालको प्रमुख पदमा खास उप—समूह नभएर तोकिएको तहको विशेषज्ञ हुने व्यवस्था गर्न, मेडिकल, डेन्टल वा सर्जिकल कुनै पनि विधाको दरबन्दी नछुटाउन समेत सुझाव दिएको छ । चिकित्सकीय सेवाहरु प्रभावकारी बनाउन सहयोगी हातका रुपमा रहने हेल्थ असिस्टेन्ट, स्टाफ नर्स, अहेब आदिको दरबन्दी पनि सोही अनुपातमा पिरामिड पदानुक्रमअनुसार तयार गर्न पनि आग्रह गरिएको छ ।
गोदानले स्वास्थ्य मन्त्रालयमा सुझावका लागि प्रस्तावित गरेको दरबन्दी
