बेलायतस्थित क्वीन मेरी युनिभर्सिटीमा भएको एक अनुसन्धानमा श्वेत मानिसहरुको तुलनामा अश्वेत र दक्षिण एसियाली मानिसहरुमा डिमेन्सीया (भुल्ने बिमारी) को जोखिम बढी रहेको देखाएको छ । यसको जोखिम गरिब इलाकामा दुई गुणा बढी रहेको पाइएको छ ।
नश्लभेद, जातिवाद र गरिबीबाट उत्पन्न तनावबाट यो समस्याको जोखिम अझ बढ्न सक्छ । अनुसन्धानमा भनिएको छ कि स्वास्थ्य सेवाको असमानता हटाउन अलग—अलग समुदायमा डिमेन्सियाको रोकथाम गर्न जरुरी छ । क्वीन मेरी युनिभर्सिटीको अनुसन्धानमा करिब २० हजार मानिसहरुमा अनुसन्धान गरिएको थियो ।
द ल्यासेन्ट रिजनल हेल्थ युरोपमा प्रकाशित भएको अनुसन्धानअनुसार बाँकीको तुलनामा गरिबी भएको क्षेत्रमा रहने मानिसहरुमा डिमेन्सियाको जोखिम दुई गुणाभन्दा बढी हुन्छ । गरिबीसँग जोडिएको डिमेन्सिया कमसेकम १० जनामध्येमा १ जनामा पाइएको थियो । यसप्रकार हरेक १० मामिलामध्ये कमसे कम एक जातिवादसँग जोडिएको पाइएको छ ।
एक शोध रिपोर्टमा वैज्ञानिकहरुले अनुमान लगाएका छन् कि अघिल्लो तीन दशकमा मतिभ्रम वा डिमेन्सियाको समस्या तीन गुणा बढ्न सक्छ । अनुसन्धानमा डिमेन्सियाबाट पीडित ४ हजार १ सय ३७ को तथ्यांक अस्पताल र अन्य सामुदायिक स्वास्थ्य केन्द्रबाट जुटाइएको थियो । उनीहरुको समान उमेरका १५ हजार ७ सय ५४ स्वस्थ मानिसहरुसँग् तुलना गरिएको थियो । त्यसपछि सम्बन्धित तथ्यहरुको अध्ययन गरिएको थियो । यसमा अल्पसंख्यक समूहको स्वास्थ्यमा नश्लीय असमानताको प्रभाव पर्छ र यो सावित हुन्छ कि अश्वेत समुदायमा यो समस्याप्रति अधिक संवेदनशील छन् ।
प्रमुख अनुसन्धानकर्ता फाझा बोथोन्गोले भने, ‘जातीयता, नस्लभेद वा गरिबीको डिमेन्सियाबीच सम्बन्धलाई बुझ्नका लागि अझै धेरै अनुसन्धानको जरुरी छ ।’
लन्डनको क्वीन मेरी युनिभर्सिटीको अनुसन्धानले डिमेन्सियाको जोखिमको कारण अध्ययनका लागि सन् २००९ देखि २०१८ सम्म इष्ट लन्डनको बोरोको चार स्थानबाट मेडिकल रेकर्डको तथ्यांक जुटाएको थियो । ४ हजार १ सय ३७ डिमेन्सिया पीडित र समान उमेरका १५ हजार ७ सय ५४ स्वस्थ मासिनहरुको विश्लेषण गरिएको थियो ।
-भास्करबाट भावानुवाद
