पछिल्लो दुई वर्षयता विश्वव्यापी रुपमा फैलिएको कोभिड संक्रमणले मानिसको शारीरिक र मानसिक स्वास्थ्यमा नराम्रो प्रभाव परेको छ । डेल्टा जस्तो भेरियन्ट को संक्रमणले विभिन्न प्रकारका गम्भीर स्वास्थ्य समस्याहरू निम्त्याएको छ। जसको दीर्घकालीन स्वास्थ्य प्रभाव हुन सक्ने विज्ञहरु बताउदै आएका छन् ।
स्वास्थ्य विज्ञहरूका अनुसार कोरोना भाइरसले शरीरका धेरै अंगहरूमा नकारात्मक प्रभाव पार्छ। त्यसैले कोभिडपछिको समस्या पनि लामो समयसम्म रहन सक्छ। यी समस्याबाट छुटकारा पाउनको लागि दैनिक जीवनमा योगासनलाई समावेश गर्नाले मानिसले फाइदा लिन सक्छन्।
संक्रमणले विशेष गरी माथिल्लो श्वासप्रश्वास मार्गलाई असर गर्ने भएकाले फोक्सोमा यसको गम्भीर नकारात्मक प्रभाव पर्ने गर्छ । नियमित रूपमा योग अभ्यासले फोक्सोलाई मात्र बलियो बनाउँदैन। पोस्ट कोभिडको समस्याहरू कम गर्न पनि यो तपाईंको लागि लाभदायक हुन सक्छ।
कपालभाति प्राणायाम
कपालभाति प्राणायाम लामो श्वास फेर्न र श्वास छोड्ने एक प्रविधि हो। यो प्राणायाम तपाईको एकाग्रता स्तर बढाउन र फोक्सोको मांसपेशीलाई बलियो बनाउनको लागि उत्कृष्ट मानिन्छ। यस योगको अभ्यासलाई शरीरमा अक्सिजन युक्त रगतको परिसंचरण बढाउन र तनाव र चिन्ता जस्ता समस्याहरू हटाउन पनि लाभदायक मानिन्छ।
धनुषासन योग
फोक्सोलाई स्वस्थ राख्नको लागि योग सबैभन्दा राम्रो उपाय हो । योगले तनावको स्तर घटाउनुका साथै फोक्सोलाई बलियो बनाउँछ र उनीहरूको क्षमतामा सुधार गर्छ। धनुष मुद्राको नियमित अभ्यासले फोक्सोको क्षमतामा सुधार गर्छ र वायुमार्गबाट कफ हटाउन मद्दत गर्दछ। कोरोनाबाट निको भएका व्यक्तिहरूले चिकित्सकको सल्लाहमा नियमित रूपमा यो योग अभ्यास गर्नुपर्छ।
भुजंगासन योग
कोबरा पोज वा भुजंगासन योगले मानसिक स्वास्थ्य मात्र सुधार गर्दैन। यसले छाती र फोक्सो विस्तार गर्न पनि मद्दत गर्दछ। यो योगलाई मेरुदण्ड बलियो बनाउन र दमको लक्षणबाट छुटकारा दिलाउन पनि लाभदायक मानिन्छ। यो योग नियमित रूपमा अभ्यास गर्नु कोभिडबाट संक्रमित व्यक्तिहरूको लागि लाभदायक मानिन्छ।
-एजेन्सी
