चिसो लाग्नु एक सामान्य अवस्था हो। तर, केही मानिसहरु चिसो बढेसँगै प्यानिक हुने गर्छन । धेरै लुगा लगाएर पनि ती मानिसहरूलाई चिसो महसुस हुन्छ। सामान्यतया मौसमको प्रभाव हरेक व्यक्तिमा फरक-फरक हुन्छ । तर, मौसममा अलिकति परिवर्तन हुँदा धेरै चिसो महसुस हुन थाल्छ भने यो लक्षण शरीरमा कुनै रोग वा कुनै भिटामिनको कमीको संकेत पनि हुन सक्छ ।
जसलाई बेवास्ता गर्दा समस्यामा पर्न सक्ने सम्भावना हुन्छ। अत्याधिक चिसोको सबैभन्दा मुख्य कारण शारीरिक कमजोरी हो। साथै हाइपोथायराइडिज्म, एनीमिया र फाइब्रोमायल्जिया जस्ता केही रोगहरूले पनि अत्याधिक चिसो सहन नसक्ने जस्ता लक्षणहरू विकास गर्न सक्छ। यस्तो अवस्थामा आज हामी तपाईलाई थप चिसो लाग्नुको कारण के-के हुन सक्छ भन्ने कुरा विस्तारमा बताउँदैछौं ।
निद्रा अभाव
७-८ घन्टा पूरा निन्द्रा परेन भने यस्तो अवस्थामा चिसो बढी महसुस हुन्छ । शरीरले पूर्ण आराम पाउन सकेन भने तापक्रम कायम राख्न सक्दैन र यस्तो हुन्छ । निन्द्रा नपुग्दा मेटाबोलिजमले ढिलो काम गर्न थाल्छ, जसका कारण शरीरमा उर्जा उत्पादनमा कमी आउँछ र चिसो बढी महसुस हुन्छ ।
मधुमेह
मधुमेहका कारण यसले मृगौला मात्र होइन रक्तसञ्चारमा समेत असर गर्छ । जसका कारण मधुमेहका बिरामीलाई चिसो बढी लाग्छ । साथै, जाडो मौसममा उनीहरुलाई थप समस्या हुन थाल्छ । उदाहरणका लागि, बढ्दो भोक र तिर्खा, बारम्बार पिसाब, थकान र धमिलो दृष्टि। यी सबै लक्षणहरू मधुमेहको लक्षण हुन सक्छन्।
स्लो मेटाबोलिज्म
बुढ्यौली, अस्वस्थकर खानपान वा अन्य कुनै कारणले मेटाबोलिज्म सुस्त हुनुका कारण शरीरले गर्मी उत्पादन गर्ने क्षमता गुमाउँछ ।जसका कारण बढी चिसो लाग्ने गर्छ । यसका लागि सबैभन्दा महत्त्वपूर्ण कुरा आफ्नो जीवनशैलीमा काम गर्नु पर्छ। स्वस्थ खानाको अलावा व्यायाम पनि धेरै महत्त्वपूर्ण छ।
भिटामिन ‘बी १२’ को कमी
दूध, अण्डा, चिज र नन-भेज नखाने मानिसमा भिटामिन ‘बी १२’ को कमी हुन्छ। भिटामिन ‘बी १२’ को कमीले धेरै रुघाखोकी निम्त्याउँछ। साथै यो भिटामिनको कमीले थकान, पखाला, भोक नलाग्ने, कब्जियत वा श्वासप्रश्वासमा समस्या पनि हुन थाल्छ ।
कम तौल हुनु
जसको तौल उचाई र उमेर अनुसार हुँदैन, त्यस्ता व्यक्तिलाई पनि चिसो बढी लाग्छ । पातलो मानिस वा तौल घटाउने अभियानमा सक्रिय व्यक्तिहरूको शरीरमा कम बोसो जम्मा हुन्छ, जसलाई शरीरले ऊर्जा र गर्मी उत्पन्न गर्न प्रयोग गर्छ। यदि बोसो छैन भने, शरीरले आवश्यकता अनुसार गर्मी उत्पादन गर्न सक्षम हुँदैन र तपाईलाई बढी जाडो महसुस हुन्छ।
हाइपोथायरायडिज्म
शरीरमा हर्मोनको गडबडीको लागि हाइपोथाइराइडिज्मको अवस्था जिम्मेवार हुन्छ। यो एक हार्मोनल विकार हो। यस्तो अवस्थामा शरीरमा चाहिने मात्रामा हर्मोन उत्पादन हुँदैन । यसका कारण मेटाबोलिजमले शरीरको तापक्रम कायम राख्न सक्दैन र तपाईलाई बढी चिसो महसुस हुन्छ ।
नसा कमजोर हुनु
नसा कमजोर भएका कारण पनि चिसो बढी महसुस हुन्छ । यसका साथै चिसोका कारण हात खुट्टा रातो हुने वा सुन्निने समस्या पनि हुन्छ । यसका साथै कमजोर स्मरणशक्ति, थकान, चक्कर लाग्ने वा आँखा पोल्ने पनि सुरु हुन्छ । यस्तो अवस्थामा भिटामिन, म्याग्नेसियम, ओमेगा ३ फ्याटी एसिडयुक्त खानेकुरा बढी खानुपर्छ ।
