काठमाडौं– नेपाल मेडिकल काउन्सिलको नयाँ कार्यसमितिका एक उपाध्यक्ष सहित ८ सदस्य चुनिएका छन् । उपाध्यक्षमा डा. शिवजी पौडेलले ५ हजार ७२ मत प्राप्त गरी जितेका छन् ।
उनका प्रतिद्वन्दी डा. प्रमोदकुमार यादवले २४३७ मत र अर्का प्रतिद्वन्दी डा. रामपरिक्षण यादवले ७३२ मत प्राप्त गरेका छन्।
सदस्यहरुमा सबैभन्दा बढी मत ल्याएर डा. हुलास अग्रवाल विजयी भएका छन्। उनले सबैभन्दा बढी ४४५९ मत प्राप्त गरेका छन्।
त्यस्तै, तोसिमा कार्की, डा. कालुसिंह खत्री, डा गुरुसरण शाह, डा. कुन्जान शेर्पा, डा. रुपक घिमिरे, डा. विश्व राज दवाडी र डा. रोहित कुमार मिश्र सदस्यमा अन्य उम्मेदवारभन्दा बढी मत ल्याएर विजयी भएका छन्।
सोमबार सम्पन्न चुनावमा ९ हजार ३ सय १८ मत खसेको थियो। चुनावी मैदानमा ३५ जना डाक्टरहरु उत्रिएका थिए।
