बागमतीको स्वास्थ्यमन्त्रीमा निमा लामा नियुक्त, आजै सपथ लिने

काठमाडौं—बागमती प्रदेशको स्वास्थ्य मन्त्रीमा निमा लामा नियुक्त भएका छन् । नेपाली कांग्रेसकातर्फबाट सिन्धुपाल्चोक ख बाट निर्वाचित लामा आजै मन्त्रीको सपथ गराउने. तयारी छ ।

सपथ आजै अपरान्ह ४ बजेलाई तय भएको लामाले हेल्थआवाजलाई जानकारी दिए । उनले निवर्तमान केपी शर्मा ओली सरकारका युवा तथा खेलकूदमन्त्री दावा लामालाई पराजित गरेका थिए ।

सत्तागठबन्धन दलहरुबीच भागबण्डा नमिल्दा मुख्यमन्त्री राजेन्द्र पाण्डेले मन्त्रिपरिषद् विस्तार गर्न सकेका थिएनन् । उनी नेकपा एसबाट नेपाली कांग्रेस र माओवादी केन्द्रको समर्थनमा मुख्यमन्त्री भएका हुन् ।

पाण्डे मुख्यमन्त्री भएपछि पहिलो पटक बिहीबार क्याबिनेट विस्तार गर्ने तयारीमा छन् ।