काठमाडौं—बसुन्धरास्थित केडिसी अस्पतालले निःशुल्क स्वास्थ्य परीक्षण गरिरहेको छ । बुधबारदेखि सुरु भएको निःशुल्क स्वास्थ्य जाँच तथा परामर्श शुक्रबारसम्म चल्ने अस्पतालले जनाएको छ ।
स्त्री तथा प्रसुती, बाथ रोग, मिर्गौला, कलेजो, फोक्सो, मुटु, मांसपेशी तथा नशा रोग, थाइराइड, मधुमेह र उच्च रक्तचापको निःशुल्क परीक्षण गरिने अस्पतालले जनाएको छ । स्त्री तथा प्रसुति विशेषज्ञ डा. सना फारुक, आन्तरिक चिकित्सा डा. विक्रम कार्की बिरामीको परीक्षण गर्नेछन् ।
निःशुल्क स्वास्थ्य परीक्षण स्त्री तथा प्रसुतिको विहान ११ बजेदेखि ३ बजेसम्म र आन्तरिक चिकित्साको १० बजेदेखि १ बजेसम्म सञ्चालन हुने अस्पतालले जनाएको छ ।
