यौन सम्पर्कका समयमा बेलायतका धेरै महिलाले पीडा अनुभूति गर्ने गरेको पाइएको छ । बेलायतमा गरिएको एउटा सर्वेक्षणले सो जानकारी दिएको हो । सर्वेक्षणमा हरेक १० जनामध्ये एक जनालाई यौनसम्पर्कको समयमा पीडा हुने गरेको बताएका थिए ।
सेक्सको समयमा महिलाको पीडाप्रति पुरुषले कम चासो देखाएको सहभागीले गुनासो गरेका थिए । यौन सम्पर्कको समयमा सबैभन्दा बढी ५० देखि ६० वर्ष उमेर समूहका महिलाहरुले आफू पीडित भएको बताएका थिए । उमेरका कारण युवतीहरु भने यस्तो समस्याबाट तुलनात्मक रुपमा थोरै प्रभावित भएको अध्ययनमा पाइएको थियो ।
सहभागीमध्ये एक चौथाइले ६ महिनासम्म यौन सम्पर्कका क्रममा पीडा अनुभव गरेको बताएका थिए भने त्यस्तै ३३ प्रतिशतले आफ्नो यौन जीवनप्रति असन्तुष्टी पोखेका थिए ।
लाजका कारण धेरै महिलाहरुले सेक्सबारे काउन्सिलिङ नलिएको अध्ययनका लेखिका डा. क्रिष्टिन मिचेलले बताइन् । १६ वर्षदेखि ७४ वर्षका ७ हजार महिलामाझ अध्ययन गरिएको थियो । अध्ययन इन्टरनेसनल जर्नल अफ अबेस्ट्रिक एन्ड गाइनोलोजीमा छापिएको छ ।
अध्ययनलाई सम्पूर्ण बेलायतको महिलाको प्रतिनिधिमूलक मान्न नसकिने अनुसन्धानकर्ताले बताएका छन् ।
-एजेन्सीको सहयोगमा
