धनुषा—महोत्तरीको बर्दिवासमा वन विनास गरेर मेडिकल कजेल कुनै पनि हालतमा निर्माण हुन नदिने राष्ट्रपति चुरे तराई मधेश संरक्षण विकास समितिका केन्द्रीय सदस्य शशी शर्माले बताएका छन् ।
बर्दिवासमा रहेको भपसी खोलासँगै जोडिएको ५४ हेक्टर वनक्षेत्र विनास गरी मेडिकल कलेज निर्माण हुन लागेकोले प्रति आक्रोश पोखेका छन् । धनुषाको ढल्केवरमा ओम प्रकाश दिलिप पर्यावरण संरक्षण प्रतिष्ठानद्वारा आयोजित अन्तरक्रिया कार्यक्रममा बोल्दै शर्माले जसले जतिसुकै शक्ति लगाएपनि वन मासेर मेडिकल कलेज बन्न नदिने अडानमा रहेको बताए ।
उनले, भने ‘मेडिकल कलेजको नाममा वन माफिय हावी भएको छन् । वन संरक्षण सरोकार क्षेत्रमा कार्यरत अभियन्ताहरुले आवाज उठाउनुपर्छ ।’
कार्यक्रममा प्रदेश २ का प्रदेश सभा सदस्य रामआशिष यादवले वन विनास गरेर विकास नहुने बताए । उनले हरियो वन जङ्गल फडानी गरेर भौतिक संरचना निर्माण हुनु विकास नभएर विनास भएको बताए ।
यस्तै, वन प्राविधिक समाज प्रदेश २ का महासचिव तथा पर्यावरण अभियन्ता सुरेश शर्माले मेडिकल निर्माणका लागि वन क्षेत्र छोडेर विकल्पको जग्गा रोज्नुपर्ने बताए । उनले भपसी वन मासिए त्योसँगै रम्तेडाँडाको वन र सँगसँगै बर्दिबास–गौशाला मार्गमा पर्ने हजारौं हेक्टर वन विनासको चपेटामा पर्ने निश्चित रहेको जनाए ।
हालैको प्रस्तुत बजेटमा बर्दिवासमा मेडिकल कलेज निर्माणका लागि बजेट विनियोजन भएपछि सरोकारबाला पक्षले भपसी सामुदायिक वन मासेर मेडिकल कलेज निर्माण गर्ने चलखेल सुरु आरोप लगाउँदैं आएका छन् ।
