बुटवल—रुपन्देहीमा झन्डै तीन हजार जनालाई कोरोना भाइरस विरुद्धको ‘दोस्रो डोज’ दिइएको छ । लुम्बिनी प्रादेशिक अस्पताल बुटवल, सिद्धार्थ बाल तथा महिला अस्पताल (आम्दा) बुटवल, युनिभर्सल मेडिकल साइसेन्स भैरहवा, भिम अस्पताल भैरहवा र देवदह मेडिकल कलेज देवदह समेतमा गरी मंगलबार २ हजार ९ सय १७ जनालाई दोस्रो डोज दिइएको हो ।
पहिलो चरणमा खोप लगाएका फ्रन्टलाइनरका लागि दोस्रो डोज दिइएको छ । दोस्रो डोजका लागि रुपन्देहीका ५ स्थानमा खोप केन्द्र स्थापना गरिएको थियो ।
पहिलो दिन मंगलबार लुम्बिनी प्रादेशिक अस्पताल बुटवलमा १ हजार ८० जनालाई खोप दिइएको छ । त्यस्तै, आम्दामा ५ सय जना, युसिएमयस भैरहवामा ६ सय ७०, भिम अस्पताल भैरहवामा ४ सय ९० जना र देवदह मेडिकल कलेजमा १ सय ७७ जना गरी जम्मा २ हजार ९ सय १७ जनालाई खोप दिइएको जिल्ला स्वास्थय कार्यालय रुपन्देहीका प्रमुख डा. राजेन्द्र गिरीले जानकारी दिए ।
मंगलबार लगाउन छुट भएकाहरुलाई बुधबार समेत लागाइनेछ ।
