काठमाडौं–इसान महिला तथा बालअस्पतालले एक वर्षमा १ लाख ६० हजार बिरामीको उपचार गरेको छ । अस्पतालको २४औंं वार्षिकोत्सवको अवसरमा अस्पतालका निर्देशक आरपी चौधरीले अस्पतालले एक वर्षमा १ लाख ६० हजार बिरामीको उपचार गरेको जानाकारी दिए ।
अस्पताल अहिलेको अवस्थामा पुग्नु आफूहरुका लागि गौरव लागेको उनले बताए । अस्पतालले सुरुमा १५ शैयाबाट उपचार सेवा सुरु गरेको थियो । छोटो समयमा नै सफलता प्राप्त गर्नुमा अस्पतालमा कार्यरत चिकित्सक तथा अन्य कर्मचारीको भूमिका महत्वपूर्ण भएको उनले बताए ।
अस्पतालले एक वर्षमा १४ सय जनाको शल्यक्रिया सम्पन्न गरेको छ । अस्पतालले नवजात शिशुको क्यान्सर, मृगौला र कार्डियोलोजी तथा नवजात शिशुदेखि १८ वर्षका बिरामीको शल्यक्रिया गरेको थियो ।
त्यस्तै, २५ प्रतिशत शल्यक्रिया महिलाको पाठेघरसंग सम्बन्धित थिए । ४७ जना वरिष्ठ विशेषज्ञद्धारा सेवा प्रदान गरेको अस्पतालले शुरुवातीदेखि नै चिकित्सा क्षेत्रमा महत्वपुर्ण योगदान दिदै आएको छ ।
अस्पतालले नवजात शिशुदेखि १८ वर्षसम्मका बालबालिका र महिलाको निम्ति कार्डियोलोजी, रेडियोलोजी, आँखा, नाक, कान, घाँटी, मृगौला, हातजोर्नी, दाँत, प्रसुती, छाला तथा यौन सम्बन्धित रोग र अन्य किसिमका समस्याको उपचार सेवाहरु प्रदान गर्दै आएका छ । अस्पतालमा विशेष प्रकारका खोपको पनि सेवा उपलब्ध छ ।
यस्तै, अस्पतालले अन्य ब्यक्तिका लागि ओपिडि, भर्ना, जनरल चेकअप, छाला, हाडजोर्नी तथा आखाँ सम्बन्धित उपचार सेबा पनि प्रदान गर्ने गरेको छ ।
निर्देशक चौधरीले इसान अस्पतालले आफ्नै नयाँ भवन बनाउन निर्माण सुरु गरेको छ । वार्षिकउत्सव कार्यक्रमम अस्पताललाई भावीका दिनहरुमा कसरी लैजाने र अझ सुविधामय बनाउन के गर्ने भन्ने विषयमा समेत छलफल गरिएको थियो ।
