काठमाडौं– सर्वोच्च अदालतमा परेको मुद्धा खारेजी भएसँगै पिजीको परीक्षाको बाटो खुलेको छ । अदालतमा पिजीको विदेशी कोटा, सरकारी, करार लगायतका विषयमा परेको मुद्धा खारेज भएसँगै पिजीको परीक्षा हुने बाटो खुलेको हो ।
आरक्षणका विषयमा पनि सर्वोच्चमा मुद्धा परेको थियो । यस मुद्धाको विषयमा भने निर्देशनात्मक आदेश भएको छ । चिकित्सा शिक्षा आयोगले यसअघि असोज २७, २७ र २९ गते पिजीको परीक्षा मिति तोकेको थियो । सर्वोच्चको अन्तरिम आदेश पछि उक्त परीक्षा स्थगित भएको थियो ।
मुद्धाका विषयमा मंसिर २९, ३० र पौष १ गते भएको बहसपछि पिजीको परीक्षा गर्ने खुलेको हो । आयोगले तयारी गरेको एमडीएस, एमपीएच, एमपीएचएन, एमडी र एमएस, एम एन, एमएमसी नर्सिङ, एम फर्मा, एमएससी, एमआइटी लगायतका विषयमा परीक्षा दिनका लागि ७ हजारभन्दा बढी विद्यार्थीले फर्म भरेका छन् ।
