काठमाडौँ – नेपालमा थप १ हजार ६ सय १४ जनामा कोरोना पुष्टि भएको छ । स्वास्थ्य तथा जनसंख्या मन्त्रालयको अनुसार पछिल्लो २४ घण्टामा थप १ हजार ६ सय १४ जनामा कोरोना पुष्टि भएको हो ।
यससँगै नेपालमा कोरोना संक्रमितको संख्या २ लाख २७ हजार ६ सय ४० पुगेको छ ।
यस्तै, पछिल्लो २४ घन्टामा काठमाडौँ उपत्यकामा मात्रै थप ७ सय ८५ जनामा कोरोना संक्रमण पाइएको छ । जसमध्ये ३ सय ३७ महिला र ४ सय ४८ जना पुरुष रहेका छन् ।
त्यस्तै, थप १ हजार ४ सय ३७ जना संक्रमित उपचार पछि निको भएका छन् । यससँगै कोरोनामुक्त हुनेको संख्या २ लाख ९ हजार ४ सय ३५ पुगेको छ ।
हाल देशभर गरेर ३ सय ३३ जना आइसीयुमा र ५६ जना संक्रमितको भेन्टिलेटरमा उपचार भैरहेको छ ।
पछिल्लो २४ घण्टामा थप २३ जना संक्रमितको निधन भएको छ । यससँगै नेपालमा कोरोनाबाट ज्यान गुमाउनेको संख्या १ हजार ४ सय १२ पुगेको छ ।
