विराटनगर–विराटनगरस्थित गोल्डेन अस्पतालमा उपचार गर्न आएकी एक विरामीका आफन्त बेपत्ता भएपछि विरामी विचल्लीमा परेकी छन् । धरान नगरपालिकास्थित नगरकोट बस्तिकी ४० वर्षीय मनु राइलाई अस्पतालमा रेखदेख गर्न आएका कुरुवा अचानक वेपत्ता भएपछि उनी विचल्लीमा परेकी हुन् ।
धरानस्थित वीपी कोईराला स्वास्थ्य विज्ञान प्रतिष्ठानमा उपचारपछि थप उपचारको लागि गोल्डेन अस्पतालमा राइलाई गत साउन १६ गते लगिएको थियो । सो अस्पतामा किड्नी इन्फेक्सन, निमोनिया र मुखवाट रगत बगेर अर्धचेत अवस्थमा उनलाई श्रीमान र छोरीले अस्पताल लगेका थिए ।
उनको आईसीयुमा उपचार भएको थियो । उपचार सुरु गरेको तीन दिनपछि कुरुवाको रुपमा संगै आएका श्रीमान विनोद राइ र मोरङको पथरी ७ निवासी छोरी देवी राइ सम्पर्कविहिन बनेको अस्पतालका प्रसासकीय अधिकृत सन्तोष मेहताले जानकारी दिए । विरामीको श्रीमान र छोरी सम्पर्क विहिन भएपछि अस्पतालले उपचार गरेर राखेको उनले बताए । विरामीका कुरुवा गत साउन १९ गते देखिसम्पर्क विहिन भएको उनले बताए ।
राईलाई साउन ३१ गतेसम्म आइसीयुमा राखेर उपचार गराएपछि अहिले पूर्ण रुपमा ठिक भएपछि वार्डमा राखिएको छ । चिकित्सकले पूर्ण रुपमा ठिक भएर डिस्चार्ज गरे पनि विरामीका आफन्त सम्पर्कमा नआएको अस्पतालले जनाएको छ । विरामीका आफन्त सम्र्पकविहीन भएपछि राईलाई अस्पतालले जेनरल वार्डमा राखेर खाना र औषधीको व्यवस्था मिलाएको छ ।
१६ दिन अगावै नै आफन्त सम्पर्क विहिन भएपछि दिएको सम्पर्क नम्बरमा पटक पटक सम्पर्र्क गर्दा पनि आफन्तहरु सम्पर्कमा नआएको आउन नचाहेको मेहताले बताए । ‘हामीले बारम्बार विरामीका आफन्तलाई फोन सम्र्पक गर्दै आएका छौं,’ उनले भने, ‘अहिले सम्म विरामीको आफन्तको फोन लाग्न सकेको छैन । विरामीलाई उपचार गर्दा लागेको खर्च हाल सम्म एक पैसा पनि बुझाएका छैनन् ।’ उनका अनुसार राईको उपचार गर्दा लागेको खर्च १ लाख रूपैयाँ छ ।
