प्रमिल सबन्धले जोडीमा एकआपसको एक भावनात्मक सम्बन्धलाई अझ धेरै प्रगाढ बनाउन मद्दत गर्छ । तर यसको अभावमा भने जोडीबीच सदैव मनमुटाव उत्पन्न हुन्छ । तसर्थ, जोडिबीचको यस दरारको अन्त्यका निम्ति यौनसम्बन्ध एक गतिलो हतियारको रुपमा पनि लिइन्छ ।
यद्यपि विविध कारणवश् कहिलेकाहिँ यस सम्बन्धि पनि व्यक्तिमा अनेकौ समस्याहरु देखिन्छन् । तुलनात्मक रुपमा प्रजनन र महिनावारीका कारण महिलामा यौन समस्या बढि मात्रामा देखिएता पनि यौन सम्बन्धिका समस्या महिला र पुरुष दुवैमा देखिने एक साझा समस्या हो । बढ्दो उमेरक्रमसँगै व्यक्तिमा यौनसम्बन्धिका समस्या थुप्रै क्रमशः रुपमा देखा पर्दै जान्छ ।
कतिपय व्यक्तिहरु आफ्ना यस्ता समस्यालाई खुलेर बाहिर ल्याई यससम्बन्धि हल निकाल्न खोज्छन् भने केहि व्यक्ति भने यस्ता समस्याले आफ्नो पार्टनरसंगको सम्बन्धमा थप उत्तारचढाव आउने मानसिकता कारण यसलाई दबाएर राख्ने गर्छन् । जसकारण निकट भविष्यमा साना समस्याले पनि ठुलो रुपले लिने सम्भावना उच्च रहन्छ ।
यसैगरी केहि समस्या यस्ता पनि हुन्छन्, जुन लुकाउन पनि सकिदैन । यसअन्र्तगत सामान्यतयाः पुरुषमा उत्तेजना नहुने, शिघ्रपतन हुने र नपुंसकता, यौनइच्छा नरहनेजस्ता आदि यौन समस्याहरु देखापर्छ भने महिलामा भने यौनइच्छा नहुने वा सम्भोगका क्रममा यौनांग पोल्ने, यसैका कारण गन्हाउने पानी बग्ने र यौन सन्तुष्टि नहुनेस्ता आदि समस्याहरु देखा पर्छन् ।
यस्ता समस्या व्यक्तिमा विशेषगरीः निम्न कारण देखापर्दछः
- यौनरोग
- मोटोपन
- अन्य शारीरिक समस्या
- विविध औषधीको सेवन
- खानपिन
- निस्क्रिय जीवनशैली
- अल्कोहोल एवम् नशाजन्य पदार्थको सेवन
- शारीरिक निस्क्रियता
- वशांणुगत गुण
समाधानका उपायहरुः
सर्वप्रथम त, व्यक्तिले के बुझ्नुपर्छ भने यौन व्यक्तिगत मात्र नभई तपाईको जोडीसँग अन्र्तनिहित सम्बन्ध हो । तसर्थ यससम्बन्ध तपाईलाई परेको समस्याबारे जानकार हुनमा तपाईको पार्टनरको पूरा हक रहन्छ । जसकारण पनि तपाईले यसबारे आफ्नो पार्टनरलाई खुलस्त रुपमा बताउनुपर्छ ।
यस्तै, यस्ता योन समस्या आफूमा के कारण देखा परेको हो भन्ने विषयमा दुवैजना मिलेर व्यक्तिगत रुपमा अध्ययन पनि गर्न सकिन्छ । यदि मोटोपन, गुणस्तरहिन जीवनशैली वा खानपिनको कारण भए यस्ता पक्ष व्यक्ति आफैले पनि समाधान गर्न सकिन्छ । तर, यसो गर्दागर्दै पनि यौनसम्बन्धि अन्य विविध समस्या देखिएम सम्बन्धित चिकित्सकको सल्लाह अनिवार्य रुपमा लिनुपर्दछ ।
-एजेन्सी
