थप १५ जना संक्रमितको मृत्यु भएको छ। स्वास्थ्य तथा जनसंख्या मन्त्रालयको अनुसार पछिल्लो २४ घण्टामा थप १५ जनाको मृत्यु भएको जनाएको हो।
बुधबार काठमाडौँका ६ जना, मोरङका २ जना, सिराहाका १ जना, रौतहटका १ जना, ललितपुरका १ जना, चितवनका १ जना, रुपन्देहीका १ जना,नवलपरासीका १ जना र दाङको १ जना सहित १५ जनाको मृत्यु भएको मन्त्रालयले जानाएको हो।
त्यस्तै, आज सक्रिय संक्रमितको संख्या २५ हजार नाघेको छ । यसअघि ‘इन्सिडेन्ट कमाण्ड सिस्टमको बैठकमा भएको छलफलमा सक्रिय संक्रमितको संख्या २५ हजार पुगेमा देश पुन: लकडाउन गर्नुपर्ने प्रस्ताब राखेको मन्त्रालयले उल्लेख गरेको थियो । तर हाल देश लकडाउन गर्ने वा नगर्ने भन्ने विषयमा मन्त्रालयले जिकिर गरेको छैन ।
