पछिल्लो पुस्ताका युवायुवती कहिल्यै अन्त्य नहुने पोर्नोग्राफी अर्थात् ब्लु फिल्मको काल्पनिक संसारमा रम्न मन पराउँछन् । यसरी काल्पनिक दुनियाँमा नै हराउन प्रेरित गराउने पोर्नाेग्राफि (ब्लु फिल्म)को व्यापकता यति बढेको छ कि यो अधिकांश महिला पुरुषका लागि यौन शिक्षक साबित बनेको छ ।
तर, काल्पनिक दुनियाँ र यथार्थमा फरक हुने भएकाले यसले व्यक्तिको वास्तविक यौन जीवनमा निकै असर पारेको विभिन्न अध्ययनले देखाउँछ । आज हामी यहाँ अत्याधिक पोनोग्राफि अर्थात ब्लु फिल्म हेर्ने बानीले सिर्जना गर्ने भ्रमका बारेमा चर्चा गरिएकाे छ ।
हरेक मानिस सधैं सेक्सका लागि तयार हुन्छन् भन्ने भ्रम
पोर्नमा चित्रण गरिए जस्तै प्रत्येक व्यक्ति सदैव सेक्सका लागि तयार हुन्छन् भन्ने सोच्छन् । जुन विल्कुल गलत छ । हामीले यो जान्नु आवश्यक छ कि, पोर्न भनेको हाम्रो मस्तिष्कसँग खेलेर यौन मनोरञ्जन दिने माध्यम मात्रै हो । यद्यपि यो वास्तविक भने होइन । तसर्थ यस्तो सोचले व्यक्तिको यौन जीवन र सम्बन्धमा उथलपुथल ल्याउने सम्भावना प्रबल रहन्छ ।
सबैको यौनांगको आकार एकैनासको हुन्छ भन्ने भ्रम
पोर्न अर्थात ब्लु फिल्म हेर्ने बानी परेकाहरुले सबै व्यक्तिको यौनांगको आकार एउटै हुन्छ भन्ने भ्रम राख्छन् । ब्लु फिल्ममा देखिने पात्रहरु छनोट गरी आकर्षक देखिने गरी प्रस्तुत हुने हँुदा त्यसले आकर्षित गर्न सक्छ । तर, वास्तविक रुपमा भने त्यस्तो हँुदैन । त्यसैले हरेक व्यक्ति यौनांगको आकार एउटै हुँदैन ।
लामो समय यौनक्रिडामा लिप्त हुन खोज्नु
पोर्नमा देखाइने व्यक्तिहरु लामो समयसम्म यौनक्रिडामा लिप्त हुन्छन् । तर, म किन सक्दिन ? यो प्रश्न ब्लु फिल्म हेर्ने अधिकांश व्यक्तिको मनमा उब्जिन सक्छ । अझ विशेषगरी ५० वर्षभन्दा माथि नाघेका व्यक्ति लामो समयसम्म यौन क्रियाकलापमा संलग्न हुन नसक्ने हुदा उनीहरुले उक्त काल्पनिक दुनियाँ र आफ्नो वास्तविक जीवनसंग तुलना गर्छन्, जसले उनीहरुमा आत्मग्लानी उत्पन्न गराउँछ ।
सबै महिला एकैनासका हुन्छन् भन्ने सोच्नु
पोनोग्राफिका महिलाहरु जुनैसुकै स्थानमा पनि खुल्ला रुपमा प्रस्तुत हुन्छन् । उनीहरुको लक्ष्य मनोरञ्जन प्रदान गर्ने मात्रै हो । जसकारण बिना कुनै संकोच उनीहरु आफ्ना अंग प्रदर्शन गरिरहेको अवस्थामा देखिन्छन् । तर, मनोरञ्जनात्मकको त्यो क्षेत्रभन्दा वास्तविक जीवन निकै नै संकुचित हुन्छ । जसकारण कुलमध्ये जम्मा २ प्रतिशत महिलाहरु मात्रै प्रदर्शनकारी हुन्छन् । तर, सबै महिलालाई एकै सोच्ने गल्ती गर्नुहुदैन ।
सुरक्षित साधनको प्रयोग गर्नुपर्दैन भन्ने भ्रम
अत्याधिक पोर्नोग्राफि संसारमा डुब्ने मान्छेको मस्तिष्कमा पर्ने विभिन्न प्रभावमध्ये यो पनि एक हो । त्यहाँ कसैले कसैको प्रवाह गरेको देखाइदैन । साथै, कुनै सुरक्षित साधनको प्रयोग गरिएको देखाइदैन । जसको विल्कुल प्रभाव वास्तविक जीवनमा पर्न गएमा थुप्रै समस्या निम्त्याउने सम्भावना रहन्छ । त्यहाँ देखाइने गतिविधिको नक्कल गर्न खोज्दा व्यक्तिको आपसी सम्बन्धमा नै समस्या आइपर्ने सम्भावना उच्च रहन्छ ।
एजेन्सीकाे सहयाेगमा
