धनुषामा पुन: ७ दिन लकडाउन थप

जनकपुर – कोरोना भाइरस संक्रमणको जोखिम उच्च हुँदै गएपछि धनुषामा पुन: एक साता लकडाउन थप गरेको छ । जिल्ला प्रशासन कार्यालय धनुषाले आइतबार धनुषा जिल्लाभर एकसाता लकडाउन थप गर्ने निर्णय गरेको हो ।

कोरोना संक्रमण समुदायमा फैलिएपछि गएको साउन ३२ गते राति १२ बजेदेखि जिल्ला भरि लकडाउन घोषणा गर्ने जिल्ला सुरक्षा समितिको बैठकले निर्णय गरेको थियो ।

सो समयावधि आइतबार राति १२ बजेदेखि समाप्त हुन लागेपछि आज पुनः ७ दिन लकडाउन थप गरेको जिल्ला प्रशासन कार्यालय धनुषाका प्रशासकीय अधिकृत गणेशचन्द्र मिश्रले वताए ।