काठमाडौं उपत्यकामा ६२ सहित थप २ सय ५९ जनामा कोरोना पुष्टि

हेल्थ आवाज मंगलबार, २०७७ साउन २० गते, १६:२८ मा प्रकाशित

काठमाडौं— काठमाडौं उपत्यकामा ६२ सहित थप २ सय ५९ जनामा कोरोना भाइरस (कोभिड—१९) पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप २ सय ५९ जनामा कोरोना संक्रमण पुष्टि भएको हो ।

काठमाडौंमा मात्रै ४८ जनामा कोरोना पुष्टि भएको छ। त्यस्तै, ललितपुरमा १ जना र भक्तपुरमा १३ जनामा कोरोना संक्रमण पुष्टि भएको छ। मंगलबार उपत्यकामा अहिलेसम्मकै सबैभन्दा बढी संक्रमण पाइएको छ।

हालसम्म निको हुनेको संख्या १५ हजार २६ जना रहेको छ। पछिल्लो २४ घण्टाममा ६५ जना संक्रमित निको भएका छन्।

नेपालमा कोरोनाका सक्रिय संक्रमितको संख्या ५ हजार ९ सय २५ रहेको छ । मंगलबार २ सय ५९ कोरोनाको केस थपिएसँगै संक्रमित संख्या २१ हजार ९ जना
पुगेको छ।

कहाँ कति नयाँ संक्रमित थपिए ?

विपी कोइराला स्वास्थ्य विज्ञान प्रतिष्ठान प्रयोगशाला—झापाका १ जना मोरङका २ जना र सुनसरीका ९ जना

कोशी प्रादेशिक अस्पताल, प्रयोगशाला—झापाका ३ जना र मोरङ १० जना

प्रादेशिक प्रयोगशाला विराटनगर—धनुषाका १ जना, इलामका २ जना, झापाका ४ जना र मोरङका १० जना

गजेन्द्र नारायण सिंहअस्पताल राजविराज प्रयोगशाला —सिराहाका १ जना, सप्तरीका ७ जना

प्रादेशिक प्रयोगशाला जनकपुर —धनुषाका १२ जना, महोतरीका १५ जना, सर्लाही र सिरहाका १-१ जना,

राष्ट्रिय जनस्वास्थ्य प्रयोगशाला टेकु— सर्लाहीका २५ जना भक्तपुरका ११, काठमाडौँका ३८ बजाङका १ जना

कृषिजन्य रोग अनुसन्धान तथा तालिम केन्द्र प्रयोगशाला, हेटौंडा — बाराका ६ जना, पर्षा पर्साका १ जना रौतहटका ६ जना

वीर अस्पताल, प्रयोगशाला —,धनुषाका १ जना

त्रिवि शिक्षण अस्पताल, प्रयोगशाला काठमाडौं —काठमाडौँ ५ जना, मोरङका १ जना, नुवाकोटका २ जना, रुकुम पश्चिमका १ जना, स्याङ्जाका १ जना र तनहुँका १ जना