सुदुरपश्चिममा २ वर्षीया बालिकासहित थप १७ जनामा कोरोना संक्रमण पुष्टि

धनगढी – धनगढीस्थित सेती प्रादेशीक अस्पतालको प्रयोगशालामा गरिएको परीक्षणमा सोमबार थप १७ जनामा कोरोना  संक्रमण पुष्टि भएको छ। पछिल्लो २४ घण्टामा १ सय ९७ जनाको कोरोना परीक्षण भएकोमा थप १७ जनामा संक्रमण पुष्टि भएको हो ।

संक्रमित मध्ये १४ जना पुरुष र तीनजना महिला रहेको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए।

अछामको मेल्लेख गाउँपालिकाका ३ जना महिला र १३ जना पुरुषमा कोरोना पुष्टि भएको श्रेष्ठले बताए। जिल्लामा दुई बर्षीया बालिकामा समेत कोरोना देखिएको छ । यस्तै दार्चुलाका ५ बर्षीय बालकमा समेत कोरोना पुष्टि भएको उनले बताए।