लन्डन- युकेका एनएचएसमा कार्यरत चिकित्सकले लगातार २४ घन्टा काम गरी बिरामीको ज्यान जोखिममा पारेका कारण आफ्नो जागिरबाट हात धुनु परेको छ । ४७ वर्षीय डा. बेभन हेडरले लगातार १२ घण्टाको अन्तरमा ५ वटा केशहरु हेरेका कारण आफ्नो जागिर गुमाएका हुन् ।
उनलाई यसरी बिना आरामलगातार काम गरिरहँदा यसबाट बिरामीको स्वास्थ्य जोखिममा परेको भन्दै जागिरबाट रिहा गरिएको हो ।
अदालतका अनुसार, यो चिकित्सक नियम कानुनभन्दाबाहिर रहेको काम हो । उनको यस किसिमको हर्कतबाट उपचारार्थ बिरामीहरुको ज्यान जोखिममा परेकोले उनलाई ४ महिनाका लागि पदमुक्त गरिएको हो ।
४ महिना पश्चात् भने उनले आफ्नो कार्यलाई फेरि निरन्तरता दिन सक्नेछन् । डा. बेभन हेडरले भने आफ्नो तलबबाहेक अतिरिक्त रकम प्राप्त गर्ने ध्येले उक्त काम गरेको स्वीकारेका छन् ।
त्यहाँकाे अदालतले उनलाई आफ्नो कार्यप्रति बेइमानी गरी बिरामीहरुको ज्यान जोखिममा पारेको आरोप लगाएको छ । युकेबाहेक अन्य देशहरुमा डाक्टरको यस किसिमको ओभर ड्युटी सम्बन्धी भने खासै नियम कानुन बनेको देखिदैन् ।
एजेन्सीको सहयोगमा
