कोरोना जितेर दुई जना डिस्चार्ज, ३५ जना निको भएर घर फर्किए

काठमाडौं—कोरोना भाइरस (कोभिड—१९) जितेर दुई जना संक्रमित डिस्चार्ज भएका छन् । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले दुई जना कोभिड—१९ संक्रमित निको भएर डिस्चार्ज भएको जानकारी दिए ।

कोरोना जितेर डिस्चार्ज हुनेमा बुटवलमा उपचाररत २५ वर्षीया पुरुष रहेका छन् । उनी ११ औं दिनमा निको भएर डिस्चार्ज भएका हुन् ।

यस्तै, चितवनमा उपचारत ६३ वर्षीया महिला पनि कोरोना निको भएर घर फर्किएकी छन् । उनी २६ औं दिनमा निको भएर डिस्चार्ज भएकी हुन् ।

बुधबार थप २ जना संक्रमित निको भएर डिस्चार्ज भएसँगै नेपालमा कोभिड निको भएर घर फर्कनेको संख्या ३५ पुगेको छ ।