काठमाडौं–राष्ट्रिय मानवअधिकार आयोगल कोभिड—१९ परीक्षणमा प्रयोग भइरहेको ¥यापिड डाइग्नोष्टी किट (आरडिटी) प्रयोग नगर्न सरकारलाइ निर्देशन दिएको छ ।
संक्रमण पत्ता लगाउनका लागि आरडिटी परीक्षण भरपर्दो नभएकोले पिसिआर परीक्षणका लागि पर्याप्त उपकरणको व्यवस्था गर्न, संक्रमित क्षेत्रमा पिसिआर परीक्षणलाई तीव्रता दिन तथा अस्पतालहरुमा पर्याप्त पीपीई व्यवस्था गर्न निर्देशन दिएको हो ।
आयोगले बुधबार निकालेको विज्ञप्तीमा कोभिड—१९ को जटिल परिस्थितीमा नेपाल बार एशोसिएसन, पत्रकार महासंघ र गैरसरकारी संस्था महासंघसँगको सहकार्यमा अनुगमन गरी सूचना संकलन गरेका आधारमा नेपाल सरकार, प्रदेश सरकार र स्थानीय तहलाई त्यस्तो निर्देशन दिएको हो ।
साथै, आयोगले लकडाउनको पालनमा कमजोरी देखिएकोले त्यसलाई सच्याउनुपर्ने, निषेध गरिएका क्षेत्रका अपांगता भएका, जेष्ठ नागरिक, सुत्केरी तथा शिशु्हरुको आधारभूत आवश्यकतामा विशेष ध्यान दिनुपर्नेलगायतका निर्देशन दिएको छ ।
त्यसैगरी क्वारेन्टाइनमा रहेका मानिसहरुका लागि मौसमअनुसार कपडा व्यवस्थापन, सरसफाइ, औषधी र खाद्यान्नको भरपर्दो प्रबन्ध गर्न समेत भनेको छ । विदेशमा अलपत्र परेका विद्यार्थी, आप्रवासी कामदार तथा पर्यटक तथा कामको शिलशिलामा विदेशमा रहेकाहरुलाई कुटनीतिक पहल गरी स्वदेश फर्कने वातावरण तय गर्न समेत आयोगले भनेको छ ।
