काठमाडौं—सरकारले स्वास्थ्य तथा जनसंख्या मातहतका लागि ५३ अर्ब ८३ करोड ५४ लाख बराबरको सिलिङ तोकेको छ । अर्थ मन्त्रालयले स्वास्थ्य मन्त्रलायलाई तोकेको सो सिलिङमा चालुतर्फ ३५ अर्ब ७४ करोड ९ लाख नबढाई कार्यक्रम तय गर्न भनेको छ ।
त्यसैगरी पुजीगततर्फ १८ अर्ब ८ करोड ५६ लाख नबढाई बजेट तर्जुमा गर्न भनेको हो । स्वास्थ्य मन्त्रालय स्रोतले दिएको जानकारीअनुसार स्वास्थ्यतर्फको बजेटमा ३७ अर्ब ७७ करोड ४८ लाख आन्तरिक स्रोतबाट र ११ अर्ब ६५ करोड २३ लाख अनुदानबाट खर्च हुने अनुमान गरिएको छ ।
त्यस्तै, ४४ करोड ३८ लाख ऋण सहायताबाट खर्च हुने उल्लेख छ । स्वास्थ्यले पाउने कुल बजेटको १७ अर्ब निर्माणमा छुट्याएको छ ।
त्यस्तै, स्वास्थ्य बिमा कार्यक्रममा पनि बढी रकम छुट्याइएको छ । गत वर्ष ५ अर्ब रहेको बिमाको बजेट अहिले ६ अर्ब ५० करोड पु¥याइएको छ । अर्थमन्त्रालय स्रोतकाअनुसार अन्य मन्त्रालयमा २० प्रतिशत बजेट सिलिङ घटाएर योजना बनाउन भनिएको छ । तर, स्वास्थ्य र कृषि मन्त्रालयको भने बजेट सिलिङ घटाइएको छैन् ।
