डा. वुद्धिमान श्रेष्ठ गण्डकी प्रदेश विकास परिषद सदस्यमा नियुक्त

काठमाडौं—डा. वुद्धिमान श्रेष्ठ गण्डकी प्रदेशको प्रदेश विकास परिषद सदस्यमा नियुक्त भएका छन् । बुधबार गण्डकी प्रदेश सरकार मन्त्रिपरिषद्ले उनलाई प्रदेश विकास परिषद्मा नियुक्त गरेको हो ।

परिषदले प्रदेशको विकासका लागि योजनाहरु निर्माण गर्ने काम गर्छ । परिषदको कार्यकारी उपाध्यक्ष डा. गिरीधारी शर्मा छन् ।

सदस्यमा नियुक्त डा. श्रेष्ठ कान्तिपुर डेन्टल कलेज टिचिङ हस्पिटल एन्ड रिसर्च सेन्टरका अध्यक्ष हुन् । उनी कालीगण्डकी एकीकृत विकास केन्द्रका अध्यक्ष समेत रहेका छन् ।